ЛУШКОЎСКІ Іван Юр’евіч

[1898, в. Жэглава Себежскага пав. Віцебскай губ., цяпер Себежскі р-н Пскоўскай вобл., Расія –
4.11.1937, Віцебск, турма НКВД]. З сялянскай сям’і. Атрымаў вышэйшую адукацыю. Працаваў настаўнікам віцебскай СШ № 31. Арыштаваны 28.10.1937 у Віцебску па адрасе: вул. 1-я Ветрынская, д. 29. Асуджаны тройкай НКВД як “член ПАВ” да ВМП. Расстраляны. Рэабілітаваны трыбуналам БВА 28.11.1957. Групавая справа Л. і інш. № 4016-п захоўваецца ў архіве УКДБ Віцебскай вобл.