ЛОЙКА-РАФАЛОВІЧ Вольга Фёдараўна

[1903, мяст. Ярэ-мічы Навагрудскага пав. Мінскай губ., цяпер Карэліцкі р-н Гродзенскай вобл. – 10.12.1937, Віцебск, турма НКВД]. З сялянскай сям’і. Атрымала вышэйшую адукацыю. Працавала настаўніцай віцебскай СШ № 9. Выйшла замуж, гадавала дзіця. Арыштавана 15.11.1937. Асуджана 22.11.1937 тройкай НКВД як “член ПАВ” да ВМП. Расстраляна. Рэабілітавана трыбуналам БВА 19.3.1959. Групавая справа Л.-Р. і інш. № 7943-п захоўваецца ў архіве УКДБ Віцебскай вобл.