ЛОЙКА Франя Вікенцеўна

[?, в. Квіткоўшчына (?) Мінскага пав., цяпер Дзяржынскі (?) р-н Мінскай вобл. – ?]. З сялянскай сям’і. Атрымала сярэднюю адукацыю. Працавала настаўніцай школы в. Доўнары Дзяржынскага р-на. Выйшла замуж, гадавала двое дзяцей. Падчас 2-й сусветнай вайны заставалася на акупаванай тэрыторыі. Арыштавана 4.1.1945. Асуджана 2.2.1946 асобай нарадай пры НКДБ як “памагатая нямецкіх акупантаў” да 5 гадоў ППЛ. Далейшы лёс невядомы. Рэабілітавана Пракуратурай Беларусі 13.11.1992. Асабовая справа Л. № 34945-с захоўваецца ў архіве КДБ Беларусі.