ЛАЗІЧОНАК Антон Антонавіч

[1914, Санкт-Пецярбург, Расія – ?]. З сялянскай сям’і. Атрымаў сярэднюю адукацыю. Працаваў настаўнікам народнага вучылішча ў мяст. Дунілавічы цяпер Пастаўскага р-на Віцебскай вобл. Быў жанаты. Арыштаваны 24.10.1939. Асуджаны 9.7.1940 асобай нарадай пры НКВД за “антысавецкую агітацыю” да 8 гадоў ППЛ. Этапаваны ў Паўночна-чыгуначны лагер НКВД Комі АССР. Далейшы лёс невядомы. Рэабілітаваны пракуратурай Віцебскай вобл. 20.11.1989. Асабовая справа Л. з фотаздымкам захоўваецца ў архіве УКДБ Віцебскай вобл.