ЛАБАНАЎ Фёдар Мінавіч

[1889, в. Чорнае Магілёўскага пав., цяпер Шклоўскі (?) р-н Магілёўскай вобл. – ?]. З сялянскай сям’і. Атрымаў сярэднюю адукацыю. Працаваў настаўнікам школы в. Лідзішча Шклоўскага р-на. Быў жанаты, меў двое дзяцей. Арыштаваны 25.2.1932. Асуджаны 23.7.1932 калегіяй АДПУ за “антысавецкую работу на развал калгаса” да 3 гадоў ППЛ. Далейшы лёс невядомы. Рэабілітаваны пракурорам Магілёўскай вобл. 31.10.1989. Групавая справа Л. і інш. (усяго пяць чалавек) № 11122 захоўваецца ў архіве УКДБ Магілёўскай вобл.