КЛІМОВІЧ Яўген Пятровіч

[1916 – ?]. З сям’і службоўца. Атрымаў сярэднюю адукацыю. Працаваў настаўнікам, загадчыкам клуба ў мяст. Налібакі Івянецкага (цяпер Стаўбцоўскага) р-на Мінскай вобл. Арыштаваны 3.10.1940. Асуджаны 12.5.1941 асобай нарадай пры НКВД як член “контррэвалюцыйнай арганізацыі” да 8 гадоў ППЛ. Этапаваны ў Паўночна-Усходні лагер НКВД Магаданскай вобл. Вызвалены 3.8.1956 (?). Далейшы лёс невядомы. Рэабілітаваны Пракуратурай БССР 10.4.1991. Групавая справа К. і інш. № 31697-с з фотаздымкам захоўваецца ў архіве КДБ Беларусі.