ІВАНОЎ-СМАЛЕНСКІ Георгій Георгіевіч

[1887, Санкт-Пецярбург – ?]. З сям’і службоўца. Да кастрычніцкага перавароту 1917 выкладаў спевы ў Александраўскім рэальным вучылішчы ў Магілёве. У 1930-я г. працаваў настаўнікам СШ ў Прапойску (цяпер Слаўгарад). Быў жанаты, меў двое дзяцей. Арыштаваны 9.5.1932. Асуджаны калегіяй пры АДПУ 23.9.1932 за “антысавецкую агітацыю і прапаганду” да 3 гадоў ППЛ. Далейшы лёс невядомы. Рэабілітаваны пракуратурай Магілёўскай вобл. 12.9.1989. Групавая справа І.-С. і інш. № 11818 захоўваецца ў архіве УКДБ Магілёўскай вобл.