ЗАРЭМБОЎСКІ Дзмітрый Хрысанфавіч

[1889, мяст. Пясочнае Слуцкага пав. Мінскай губ., цяпер Капыльскі р-н Мінскай вобл. – 20.2.1938, Мінск, турма НКВД], муж Людмілы Зарэмбоўскай. З сялянскай сям’і. Атрымаў сярэднюю адукацыю. Падчас арышту дырэктар дзіцячага дома ў мяст. Бобр Крупскага р-на Мінскай вобл. Арыштаваны ў 1937. Асуджаны 21.1.1938 за “шпіянаж на карысць польскай разведкі” да ВМП з канфіскацыяй маёмасці. Расстраляны разам з жонкай. Рэабілітаваны трыбуналам БВА 12.4.1963. Асабовая справа З. № 7939-с захоўваецца ў архіве КДБ Беларусі.