ЗАНКОВІЧ Казімір Васілевіч

[1904, в. Юсцінава, цяпер Лёзненскі р-н Віцебскай вобл. – 10.12.1937, Віцебск, турма НКВД]. З сям’і службоўца. Атрымаў сярэднюю адукацыю. Працаваў ваенруком у 55-й чыгуначнай школе ў Віцебску. Быў жанаты, гадаваў сына. Арыштаваны 20.11.1937 у Віцебску па адрасе: вул. Суратаўская, д. 38. Асуджаны асобай нарадай пры НКВД 28.11.1937 як “удзельнік контррэвалюцыйнай арганізацыі” да ВМП з канфіскацыяй маёмасці. Расстраляны. Рэабілітаваны Вярхоўным Судом СССР 13.9.1957. Асабовая справа З. № 4698-сн захоўваецца ў архіве УКДБ Віцебскай вобл.