ЗАВОРСКІ (ЗАОРСКІ) Франц Адамавіч

[1916, в. Странева Гродзенскай губ., цяпер Падляшскае ваяв., Польшча – ?].
З сялянскай сям’і. Меў незакончаную вышэйшую адукацыю. Працаваў настаўнікам школы в. Ястшомка-Старая (цяпер Польшча). Арыштаваны 28.4.1940. Асуджаны 19.11.1940 асобай нарадай пры НКВД за “ўдзел у антысавецкай паўстанцкай арганізацыі” да 8 гадоў ППЛ. Этапаваны ў адзін з лагераў НКВД Комі АССР. Вызвалены 9.9.1941 як польскі грамадзянін. Далейшы лёс невядомы. Рэабілітаваны 30.8.1989 пракуратурай Гродзенскай вобл. Групавая справа З. і інш. № п-10818 захоўваецца з фотаздымкамі ў архіве УКДБ Гродзенскай вобл.