ДУЛЫК Уладзімір Мікалаевіч

[1895, Львоў, цяпер Украіна – ?]. З сям’і рабочага. Атрымаў сярэднюю адукацыю. Працаваў настаўнікам пачатковай школы в. Марозавічы (цяпер Пінскі
р-н Брэсцкай вобл.). Арыштаваны 26.12.1939 у Пінску. Асуджаны 29.6.1940 асобай нарадай пры НКВД за “контррэвалюцыйную дзейнасць” да 5 гадоў ППЛ. Этапаваны ў Паўночна-чыгуначны лагер НКВД Комі АССР (паводле інш. звестак Беламорска-Балтыйскі лагер НКВД Архангельскай вобл.). Вызвалены 5.9.1941 як польскі грамадзянін. Далейшы лёс невядомы. Рэабілітаваны пракуратурай Брэсцкай вобл. 28.7.1989. Асабовая справа Д. № 9408-с з фотаздымкам захоўваецца ў архіве УКДБ Брэсцкай вобл.