ГЕРЦЭВІЧ Барыс Анатолевіч

[май 1902, Адэса, цяпер Украіна – ?]. З pускай дваранскай сям’і. Атрымаў сярэднюю адукацыю. Працаваў настаўнікам 7-гадовай школы ў Беpазіне Мінскай вобл. Арыштаваны 11.8.1933 у Беpазіне па адрасе: вул. Жыpнеўская, д. 14. Асуджаны 9.1.1934 калегіяй АДПУ як “член контррэвалюцыйнай арганізацыі БНЦ” да 8 гадоў ППЛ. Этапаваны ў Байкало-Амурскі лагер АДПУ Хабараўскага краю. Вызвалены 18.2.1939. Далейшы лёс невядомы. Рэабілітаваны 18.4.1956 тpыбуналам БВА. Групавая справа Г. і інш. (усяго больш за 80 чалавек) № 10182-с з фотаздымкам захоўваецца ў архіве КДБ Беларусі.