АГІНСКІ Ілля (Барыс) Ісакавіч

[18.12.1906, Нью-Йорк, ЗША – ?]. З яўрэйскай сям’і. Атрымаў сярэднюю спецыяльную адукацыю. Уступіў у ВКП(б). Працаваў загадчыкам аднаго з мінскіх тэхнічных вучылішч. Быў жанаты, гадаваў двое дзяцей. Арыштаваны 5.9.1936 у Мінску па адрасе: вул. Рэвалюцыйная, д. 26, кв. 2. Асуджаны 5.10.1936 асобай нарадай пры НКВД за “антысавецкую агітацыю” да 5 гадоў ППЛ. Этапаваны ў Паўночна-Усходні лагер НКВД Магаданскай вобл. Далейшы лёс невядомы. Рэабілітаваны пракуратурай Мінскай вобл. 26.12.1989. Асабовая справа А. № 29292-с з фотаздымкам захоўваецца ў архіве КДБ Беларусі.